UCH VOHA USTOZ-SHOGIRDLIK AN’ANASI: PROFESSOR MATNAZAR XUDOYNAZAROVNING IJODIY HAYOTI MISOLIDA

Abstract

Har bir jabhada ustoz - shogirdlik an’anasi mavjud bo‘lib, u hech qachon o‘zining dolzarbligini yo‘qotmaydi. U yoki bu ko‘rinishda bo‘lsin, yillar davomida saqlanib kelayotgan ushbu an’ana o‘zbek mumtoz musiqasining bardavomligiga o‘zining beqiyos hissasini qo‘shib kelmoqda. Ustoz - shogirdlik an’anasi bugungi kunda zamonaviy ko‘rinishga ega bo‘lsada, qadimiy an’analarni o‘zida saqlab qolgan. Buni ayniqsa uchchala vohaning ham ustoz-shogirdlik an’anasida yaqqol ko‘rishimiz mumkin. Ayniqsa ustoz san’atkorlarning suhbatlari orqali biz ushbu an’ana haqida to‘liqroq ma’lumotga ega bo‘lamiz. Mazkur maqolada marhum professor Matnazar Xudoynazarov bilan hayotlik davrlarida ustoz - shogirdlik an’anasi borasida olib borilgan suhbatimiz asosidagi faktlarga tayanilgan holda uch voha ustoz-shogirdlik an’anasi haqida ma’lumotlar keltiriladi.